ബെംഗളുരു: പാൽ വില വർദ്ധനക്ക് പിന്നാലെ സാധാരണക്കാർക്ക് പ്രഹരമായി വൈദ്യുതി നിരക്കും ഉയർത്തി. യൂണിറ്റിന് 1.48 രൂപ വർദ്ധിപ്പിക്കാനാണ് കമ്മീഷൻ സർക്കാറിന് ശുപാർശ നൽകിയിരുന്നത്.
2010 ൽ 1.02 രൂപ വർദ്ധിപ്പിക്കാൻ ശുപാർശ നൽകിയപ്പോൾ 48 പൈസയാണ് വർദ്ധിപ്പിച്ചത്.നിലവിൽ ആദ്യത്തെ 30 യൂണിറ്റിന് മുന്നു രൂപയും പിന്നീടുള്ള 70 യൂണിറ്റിന് 4.40 രൂപയും 100 യൂണിറ്റിന് 5.9 രൂപയും 200 യൂണിറ്റിന് 6.9 രൂപയുമാണ് ഈടാക്കുന്നത്.
കർണാടകയിലെ വൈദ്യുതി വിതരണം നടത്തുന്നത് പൊതുമേഖലയിൽ ഉള്ള 5 കമ്പനികളാണ്. ബെംഗളൂരിൽ, ബെംഗളൂരു ഇലട്രിസിറ്റി സപ്ലേ കമ്പനി (ബെസ് കോം ), മൈസൂരിൽ ചാമുണ്ടേശ്വരി ഇലക്ട്രിസിറ്റി സപ്ലെ കമ്പനി, മാഗ്ലൂർ ഇലക്ട്രിസിറ്റി സപ്ലെ കമ്പനി, ഗുൽബർഗ ഇലക്ട്രിസിറ്റി സപ്ലെ കമ്പനി, ഹുബ്ലി ഇലക്ട്രിസിറ്റി സപ്ലെ കമ്പനി എന്നിവയാണ്.
കടുത്ത വരൾച്ച ജല വൈദ്യുത പദ്ധതികളെ പ്രതികൂലമായി ബാധിച്ചിരുന്നു, ഇത് വ്യവസായ മേഖലക്ക് അടക്കം തിരിച്ചടിയായി. ബെംഗളൂരു നഗരത്തിൽ ഒരു ദിവസം ആവശ്യമായി വരുന്ന വൈദ്യുതി 4600 മെഗാ വാട്ട് ആണ്.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
